Täze kitabyň tanyşdyrylyş dabarasy
Türkmen döwlet bedenterbiýe we sport institutynyň mejlisler zalynda Gahryman Arkadagymyzyň jöwher paýhasynyň miwesi bolan «Hakyda göwheri» atly şöhratly taryhymyzdan, milli we medeni gymmatlyklarymyzdan söz açýan täze kitabynyň tanyşdyrylyş dabarasy boldy. Dabara institutyň professor-mugallymlary we talyp ýaşlary gatnaşdy. Dabarada Türkmen döwlet bedenterbiýe we sport institutynyň rektory Hydyr Nunnaýew täze kitabyň ýaş nesilleri watançylyk, ruhubelentlik ruhunda terbuiýelemekde gymmatly gollanma bolup durýandygyny belledi. Çykyşlaryň dowamynda institutyň prorektory Gurbanmyrat Sähedow «Hakyda göwheri» atly kitabynyň terbiýeçilik ähmiýeti we onuň baý many-mazmuny barada çykyş etdi. Çykyş edenler kitabyň ähmiýeti dogrusynda buýsançly gürrüň etdiler. Olar Gahryman Arkadagymyzyň galamynyň ýiti, ajaýyp eserleriniň höwrüniň köp bolmagyny arzuw etdiler.
Daýanç TAGYŞOW,
Türkmen döwlet bedenterbiýe we sport institutynyň sport žurnalistikasy hünäriniň talyby.
